Kinosevərlərin maraqla gözlədiyi Qorxu serialının “Qışqırıq” adlı 5-ci filminin son videoçarxı yayımlanıb. Bu dəfəki fraqmentlər də böyük marağa səbəb olub.
Orta məktəb şagirdi Keysiyə qəribə telefon zəngi gəlir. O, səsi tanımır. Elə hadisələr də bundan sonra başlayır. Bir-birinin ardınca törədilən sirrli qətllər. Polis araşdırması zamanı məlum olur ki, “Gostface” adlı qatilin hədəfi ancaq gənclərdir. Filmin qəhrəmanları isə yaşadıqları qorxu ilə sağ qalmağa çalışırlar. “Qışqırıq” filminin 5-ci bölümünü də kinosevərlər böyük maraqla gözləyirlər. Yayımlanan fraqmentlərdən məlum olur ki, tamaşaçı baş rollarda Drew Barrymore, Roger Jackson və Neve Campbell kimi aktyorları görəcək. Serialın ilk filmi 1996-cı ildə ekranlara çıxdı və böyük maraqla qarşılandı. Sonra 2011-ci ildə “Qışqırıq” 2, 3 və son olaraq 4 çəkildi. İlk vaxtlardan maraq doğuran ekran işi gərgin qorxu və triller janrında ekranlaşdırılıb. Film yanvarın 14-dən kinoteatrlarda nümayiş olunacaq.
Fəridə Hüseynli